好快又過年, 做呢份工時間真係過得好快

不過而家都無咩新年氣氛

近日都擔心著兩個人

一是大學同學, 二就是女朋友

前者幫唔到佢甘多, 我都經歷過, 真係靠自己

後者又是幫唔到, 昨同完舊同事食飯

就打算接佢收工, 睇住佢返呢份工

無左好多時間, 人又做到好無心機

sales工真係唔易做, 過左十二點, 都未走得

收左工mtr巴士都無得坐了

我就比較好運, 唔洗做sales

我都希望過到d運氣比你, 你去做份文員好了

岩岩返左兩個月工

中間休息了兩星期去做手術

真正識做的野唔多

不過而家開始都有野做了

每日都會做返一小時到, 仲係好多時間做自己野

不過都是一個好開心, 仲有十個月工返

岩岩收到一個壞消息, 希望果大學同學無事

雖然想幫佢, 不過都唔知點幫, 可以車佢上飛鵝山飲酒既<--如果佢唔怕死的話

牛年屬牛的人是勁多變化, 感情唔係分手就結婚

工作會轉工

住會搬屋

不過我上年都應了前兩樣, 今年應該唔會再有事

好想買jordan23low白紅, 買左要9個月先有得著, 仲十五十六

今日終於係公司做功課

是是但甘做左兩題, 算係五分一

之後收工同女朋友唱k

又食到好飽

恭喜佢甘快又找到工

希望你做得開開心心啦

昨日第一日返工, 無野做因為老闆放假

坐左成日收工就接女朋友倒數

奧海城都好多人, 多到最後都唔比人入去了

好彩我地早入去, 不過都無睇唔到個台

08年真係多事發生, 好壞都有, 大起大落                                                                手術成功

                                                                                                         第一次同女朋友旅行 

拍拖                                                                                            考試全合格

     人工無加過                                                       有返新工人工又多左

                    斷韌帶                                手術可以早兩個月做 

                           分手                      又拍拖

                               考試預左肥一科

以上就係我零八年的起落

自從識了你, 我運氣一路向上

雖然間中都有為小事吵架

不過呢一份感情經歷了好多野, 得來不易

有時大家可能感覺淡了, 不過當我睇返自己同你影的相

所打的xg, 所有事都的確真實發生過

每打的一字, 每一句說話都出自內心

希望大家都可以為呢一段感情繼續努力

努力係有成果的, 這是你所說, 亦是我相信的道理

希望09年都順順利利, 一路順風順水

都希望你找到自己的路向

過得開開心心, 我就無咩願望

我只係想快d打返波比你睇, 同埋順利畢業

今日第一次沖涼, 成半個月無沖, 只是抹身

真係好舒服

而家隻腳一日比一日好, 只是下樓梯有d問題

過多一個月應該正常返, 不過練返萎縮了的大脾

始終都無用力五個月, 相信仲需要一段時間

昨晚陪左女朋友去揸車, 佢手車真係幾危

大家又不識路, 一定要買返本地圖先得

今日岩岩做好了手術一星期, 要去洗傷口

甘岩女朋友唔洗返工, 就等佢入黎陪我去

洗完傷口就食車仔麵, 又陪佢買了禮物比佢家人

亦都買了揸車地圖, 出車前一定睇熟先開車

之後睇左葉問, 都算不錯, 好耐無係馬鞍山睇戲

"無怕老婆既男人, 只有尊重老婆既男人" <--講得好

最後就係沙灘坐左一陣就送佢去坐車了

仲有一星期假放, 就悶死了

應該讀下書, 不過仲係懶甘